ШҚО-да «Ауыл аманаты» бағдарламасы бойынша 500-ден астам жоба қаржыландырылады

0
229

2023 жылы бағдарлама бойынша 1,5 млрд теңгеге несие беріліп, 235 жаңа жұмыс орны ашылды.


ШҚО-да «Ауыл аманаты» бағдарламасы бойынша 500-ден астам жоба қаржыландырылады

Шығыс Қазақстан облысында ауыл тұрғындарын қолдау, жаңа жұмыс орындарын ашу және кәсіпкерлікті дамытуға бағытталған «Ауыл аманаты» бағдарламасы іске асырылуда, деп хабарлайды ERNUR.KZ өңір әкімдігіне сілтеме жасап.

2023 жылы бағдарлама бойынша 1,5 млрд теңгеге несие беріліп, 235 жаңа жұмыс орны ашылды.

2024 жылы 7 млрд теңге бөлу жоспарланған еді. Алайда республикалық бюджеттен 2,5 млрд теңге бөлінді. Қазіргі таңда 1 млрд теңгеге 72 жоба мақұлданып, 163 жаңа жұмыс орны ашылады.

Биыл бағдарламаны іске асыруға қосымша 3 миллиард теңге бөлінбек. Ауыспалы қаражатты ескерсе, бюджет 4,5 миллиард теңгені құрайды. Бұл шамамен 550 жобаны қаржыландыруға мүмкіндік береді. Оның ішінде туризм, ауылшаруашылық өнімдерін қайта өңдеу және фермерлерге техника сатып алу бар.