Сұйытылған газ ең қымбат өңірлер белгілі болды

0
1 519

​Статистикаға сәйкес, сұйытылған газдың ең жоғары бағасы Алматы облысының Қонаев қаласында тіркелді.


Сұйытылған газ ең қымбат өңірлер белгілі болды

ERNUR.KZ. Қазақстанның Ұлттық статистика бюросы өңірлердегі сұйытылған газдың бағасына зерттеу жүргізді, деп жазады sputnik.kz.

Қазстат мәліметінше, сұйытылған газға ең көп ақшаны Қонаев қаласының тұрғындары жұмсайды. Мұнда 50 литр газ 4600 теңге тұрады.
"Сонымен қатар көгілдір отын Қарағандыда – 4380 теңге, Алматыда – 4000 теңге, Семейде – 3886 теңге, Өскеменде – 3733 теңге және Көкшетауда – 3177 теңге тұрады", – деп хабарлады Ұлттық статистика бюросы.
Ең арзан газ баллоны Қызылордада тіркелді. Мұнда тұтынушылар сұйытылған көгілдір отынның 50 литрі үшін 2500 теңге төлейді.
Басқа қалаларда баға диапазоны 2700-ден 3000 теңгеге дейін.