Таразда маман атаулы әлеуметтік көмек әпергені үшін пара сұрады

ERNUR.KZ. Сыбайлас жемқорлыққа қарсы қызметі Жамбыл облысы бойынша ҰҚК-мен бірлесіп, сыбайлас жемқорлық қылмысын жасады деген күдікпен Тараз қаласы әкімдігінің жұмыспен қамту және әлеуметтік бағдарламалар бөлімінің бас маманын әшкереледі, деп жазады Zakon.kz.

Ол азаматтан атаулы әлеуметтік көмек алуға жәрдемдескені үшін 199 500 теңге көлемінде пара алды деп күдіктелуде.

Күдікті мен оның қорғаушысының сотқа дейінгі тергеуді жедел өткізуге өтініші мен келу туралы жазбаша міндеттеме беруіне байланысты күдіктіге қатысты процессуалдық қамау қолданылмады.

Күдіктінің кінәсінің деңгейі туралы түпкілікті шешімді сот шығаратын болады.