Тараздағы саябақ маңындағы жантүршігерлік оқиға: полицейлер күдіктіні ұстады

0
171

Таразда саябақ маңынан өтіп бара жатқан адамдар денесінде зорлық-зомбылық белгілері бар ер адамның денесін тапқан болатын.


Тараздағы саябақ маңындағы жантүршігерлік оқиға: полицейлер күдіктіні ұстады

фото: видео кадры

ERNUR.KZ. Таразда полиция адам өлтірді деген күдіктіні ұстады, деп жазады tengrinews.kz.

31 наурызда облыс орталығының Жайлау шағынауданында саябақ маңынан денесінде жарақат іздері бар мәйіт табылды.

"Бұл қылмысты ашу үшін жедел топ құрылып, күдіктінің орналасқан жерін анықтау және оны ұстау, сондай-ақ дәлелдемелік базаны бекіту бойынша ауқымды жұмыс жүргізді. Қазіргі уақытта ер адам өз кінәсін мойындап, уақытша ұстау изоляторына қамалды", – деп хабарлады Жамбыл облыстық Полиция департаменті.

Ведомство мәліметінше, қылмыстық іс бойынша тергеу жалғасып жатыр және полиция басшылығының ерекше бақылауында.

Еске салайық, бұған дейін Таразда саябақ маңынан өтіп бара жатқан адамдар денесінде зорлық-зомбылық белгілері бар ер адамның денесін тапқан болатын. Марқұмның басы жарылғаны анықталды.