Тоқаев: Қазақстан Ресейдің стратегиялық серіктесі болып қала береді

"Біздің қарым-қатынасымыз өте берік стратегиялық серіктестік пен одақтастыққа құрылған. Мен бүгін қазақстандық БАҚ-тан мақалаңызды мұқият оқып шықтым. Сізге алғыс айтамын. Мен де ресейлік БАҚ-та мақаламды жарияладым. Менің ойымша, біз болашаққа бағдарланған ынтымақтастықты дамытудың барлық тәсілін бірауыздан егжей-тегжейлі баяндадық. Мен өз мақаламда Қазақстан Ресейдің стратегиялық серіктесі екенін, Ресейдің осынау қиын кезеңде одақтасы болғанын және болып қала беретінін атап өттім", - деді Тоқаев.

Еске сала кетейік, Ресей Федерациясының президенті Владимир Путин Қазақстанға мемлекеттік сапармен келді. Оны мемлекет басшысы Қасым-Жомарт Тоқаев елорда әуежайынан қарсы алды.