Бұған дейін Қазақстанда наурыз айындағы ҰБТ басталғаны хабарланған болатын.
Фото: Национальный центр тестирования
ERNUR.KZ. 2026 жылғы 4 наурызда Қазақстан Республикасы Ғылым және жоғары білім министрлігінің Ұлттық тестілеу орталығы (ҰТО) Ұлттық бірыңғай тестілеуге (ҰБТ) қатысушыларға үндеу жасады, деп жазады zakon.kz.
Оларға SMS-хабарлама жіберілетіні еске салынды.
"Сіздерге ыңғайлы болу үшін ҰБТ өтетін күнге бір күн қалғанда таңдалған тестілеу күні, уақыты және өткізу орны көрсетілген еске салу SMS-хабарламасы жіберіледі. Яғни әр қатысушы тіркеу кезінде app.testcenter.kz сайтында көрсеткен телефон нөміріне хабарлама алады", – деп хабарлады ҰТО өкілдері сәрсенбі күні.
Сонымен қатар SMS-хабарлама кәмелетке толмаған тест тапсырушылардың ата-аналарына немесе заңды өкілдеріне де жолданатыны айтылды.
Бұған дейін Қазақстанда наурыз айындағы ҰБТ басталғаны хабарланған болатын.
![](/assets/thumbnails/d2/d2f8cac60a89479c814a149f91a8b04e.jpg ""Дәрменсіз күйге түскеніне әкемізді кінәлайды"")
