Оның есірткі және психотроптық заттарды медициналық емес мақсатта тұтынғаны анықталды.
фото: Pixabay / 4711018
ERNUR.KZ. Ер адам анасын қорлағаны және есірткі заттарын қолданғаны үшін қамауға алынды, деп жазады sputnik.kz.
Сотта анықталғандай, 2026 жылдың қаңтарында ер адам үйде болған кезінде анасын қорлап, оған былапыт сөздер айтқан. Сонымен қатар, оның есірткі және психотроптық заттарды медициналық емес мақсатта тұтынғаны анықталды.
"Ер адамның кінәсі тараптардың айғақтарымен, хаттамаларымен және сараптама қорытындысымен дәлелденді. Ол анасына қатысты қорлайтын сөздер айтқанын өзі де мойындаған", - деп жазылған хабарламада.
Ал әйел ұлының мұндай әрекеттерге үнемі жол беретінін жеткізді.
Айта кетері, ер адам 2024 жылдың наурызында осындай құқық бұзушылық үшін жауапқа тартылған, оған сол кезде ескерту берілген. Сол себепті жасалған құқық бұзушылықтың қайталануы, сондай-ақ мас болу жағдайы ауырлататын мән-жайлар ретінде танылды.
Сот қаулысымен ер адам кінәлі деп танылып, оған құқық бұзушылықтар жиынтығы бойынша 20 тәулікке әкімшілік қамаққа алу тағайындалды.
Қаулы заңды күшіне енді.
![](/assets/thumbnails/fa/fa8a454633c2f9e1948806d10c2c8755.jpg ""Әр жұма күні гүл сыйлайды": пойыздағы әйел күйеуі екеуі қандай қиындықтардан өткенін айтты")
![](/assets/thumbnails/be/bec7c4c02a3be4bbf988336451c3d14b.jpg ""Әлі күнге дейін анам мені жақсы көрсе, құшақтаса екен деп армандаймын"")
