Коммуналдық мемлекеттік кәсіпорын автокөліктерді заңсыз есептен шығарған.
ERNUR.KZ. Жамбыл облысында мемлекеттік мүлік жымқырылған, деп жазады sputnik.kz.
Талас ауданындағы "Таза-Талас" шаруашылық жүргізу құқығындағы коммуналдық мемлекеттік кәсіпорны автокөліктерді заңсыз есептен шығару арқылы жымқырып келген.
"Кәсіпорынның басшылығы мекемеге тиесілі нарықтық құны 22 млн теңге болатын 4 автокөлікті жалған құжат жасап, жарамсыз ретінде заңсыз есептен шығарған. Аукцион өткізбей, тікелей үшінші тұлғаларға сатқан", - дейді ведомство.
Талас ауданының прокуратурасы қылмыстық істі тіркеді.
Қазіргі таңда мекеме басшыларына Қылмыстық кодекстің 189-бабы 4-бөлігінің 2-тармағы "Жымқыру" және 369-бабы 1-бөлігі "Қызмет бабында жалған құжат жасау" бойынша іс қозғалды.
Тергеп-тексеру барысында құны 17 млн теңгені құрайтын 3 автокөлік мемлекетке қайтарылды, төртінші автокөлікті қайтару жұмыстары жүріп жатыр. Іс сотқа жолданады.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
