ҚҰЛПЫНАЙ - саулығыңызды сақтайды, ағзаңызды тазалайды, теріңізді жасартады. Қазір құлпынай қолжетімді бағада. Мүмкіндікті жіберіп алмаңыз.
иллюстрациялық фото: blog.feelaliveuk.com
Құрамы С, К, РР және В тобындағы дәрумендер мен калий, кальций, фосфор, магний, натрий, мырыш, темір сияқты минералды заттарға бай құлпынайдың емдік қасиеті өте зор. Ол халық емінде бірнеше дертке дауа ретінде кеңінен қолданылады.
Атап айтқанда:
- балалардағы іш өту мен қаназдық кезінде;
- авитаминоз бен иммунитет төмендегенде;
- жатырдан қан кеткенде;
- жұтқыншағыңыз ауырып, аузыңыздан жағымсыз иіс шыққанда;
- йод пен темір тапшылығында;
- қант диабеті мен буыны ауыратындарға құлпынайды көбірек жеуге кеңес береміз.
Балғын құлпынай
- Жүрек қан-тамыры ауыратындарға күніне 1 стақан балғын құлпынай жеуді ұсынамыз.
- Бүйрегінде тасы бар науқастар күніне 300 гр. құлпынай жесе, тасы еріп түседі;
- Экземадан зардап шеккендерге де құлпынай ем болады. Ол үшін балғын жемісті жараңызға жақсаңыз болғаны;
- Артық салмақтан арылғысы келгендерге де құлпынай көмектесе алады.
Құлпынай шырыны
иллюстрациялық фото: 1zoom.ru
2. Ал егер күніне 3 рет тамақтанудан алдын құлпынай шырынын ішетін болсаңыз, бүйрегіңіздің саулығын ұзақ уақыт сақтай аласыз. Ол үшін 1 стақан жеміс шырынына 2-3 тамшы лимон шырыны мен жарты шай қасық қант қоссаңыз жеткілікті.
Құлпынай тұнбасы
иллюстрациялық фото: juicing-for-health.com
Тұнбаны дайындау үшін: таза піскен 5 дана құлпынайды 200 мл қайнаған суға салып, бетін мықтап жабасыз. Ыдысты сыртынан жылы орап, жарты сағаттай тұндырып қойыңыз. Белгіленген уақыттан соң тұнбаны сүзіп алып, тамағыңызды шайсаңыз жөтел әп-сәтте жазылады, ауыз қуысындағы жаралар, жағымсыз иістер кетеді. Ал егер бұл тұнбаны ішсеңіз, несеп жолдары тазаланып, кіші дәрет арқылы шлактан құтыласыз.
Құлпынай жапырағының тұнбасы – жүйкені аурудан қорғайды. Ол үшін 1 ас қасық ұнтақталған кепкен жапырақты 200 мл қайнаған суға салып, бетін жауып қоясыз. Шамамен 25-30 минуттан соң тұнбаны сүзіп алып, жарты шай қасық балмен араластырыңыз. Дайын болған тұнбаны жылы күйінде күніне 3 рет ішу керек.
Бұл тұнба іш өткен кезде, тамақтан уланғанда, ішекке инфекция түскенде керемет ем болады.
Ескерту! Халық емін қолданбас бұрын міндетті түрде дәрігермен кеңесіп алыңыз.
Аударған: Ләззат АХМЕТОВА,
Тағы оқыңыз:
