«Жатын бөлмемізді де сонда көшіреміз»
Танымал әнші Алтынай Жорабаеваның күнделікті және сахналық киімдерін сақтау үшін күйеуі арнайы төрт бөлмелі пәтер сатып әперген. Бұл туралы өнер иесі «Инстаграм» парақшасында мәлімдеді.
«Көршінің пәтерін сатып алғанбыз ғой. Енді ол пәтерде асхана да, ештеңе болмайды. Көбіне менің киімдерім, гардероб болады деп отырмыз. Төрт бөлмелі, 180 шаршы метрді құрайды. Біздің жеке жатын бөлмеміз де сонда болады», - деді Алтынай Жорабаева.
Әнші оқырмандарына жаңа пәтерінің ішін көрсетіп, видео салды. Ішінде жөндеу жұмыстары жүргізіліп жатыр екен.
«Біткен соң перделерін іліп, сіздерге толық көрсетемін», - деді Алтынай Жорабаева.
