"Қайрат мамасының қасында": Жұлдыз Әбдікәрімова гендер-пати жасады

ERNUR.KZ. Танымал актриса Жұлдыз Әбдікәрімова бесінші баласының жынысын анықтады, деп жазады stan.kz.

Өнер иесі жақында жүкті екенін ресми жариялаған еді.

“Аса қатты гендер патиді жасағым келмеді. Бірақ, төрт құбыламның көңілін қимағандықтан у-шусыз өткізейік деп ортақ шешімге келдік. Сонымен, баланың жынысы мен Эмоцияға толы кешіміздің толық нұсқасын менің YouTube арнамнан көре аласыз", – деп жазды Жұлдыз.

Алайда желі қолданушысы балаларының әкесі Қайрат Нұртасты іздеді.

“Қайрат көрінбейді”, “Ол мамасының жанында жүр”, “Баланың әкесі Қайрат па өзі?!”, “Қандай бақытты отбасы”, “Жұлдызға оңай емес”, “Алаудың реакциясын көргенде қыз деп ойладым”, “Бауы берік болсын”, “Тездетіп бөпелеріңмен қауышыңдар”, – деп жазды көпшілік.

Еске салайық, актриса жетінші жүктілігі екенін айтқан еді.