Шымкент қаласының әкімі Ғабит Сыздықбеков қаланы кезекті аралау барысында «Ақтас» тұрғын алабындағы қаңғыбас жануарларды уақытша ұстау орнына барды.
Жануарларға жасалған жағдаймен танысып, жауапты тұлғаларға жүйелі түрде бақылау жүргізуді тапсырды. Сонымен қатар, медициналық қызмет көрсету мен тамақтану мәселелеріне ерекше назар аудару қажет екенін ескертті.
Тексеру нәтижесінде аудан әкімдіктері мен бірқатар басқарма басшыларына көшелердің санитарлық жағдайына мониторинг жұмысын күшейтуді және істен шыққан жарықшамдарды дер кезінде ауыстыруды тапсырды. Қала басшысы барлық кемшіліктер жақын арада жойылуы тиіс екенін ескертті.
«Қала тұрғындары үшін жайлы әрі қауіпсіз жағдай жасау жұмыстары жүйелі түрде жалғасуы керек және бұл ретте тұрғындардың пікірі мен ұсыныстары ескерілуі қажет», - деді қала басшысы.
![](/assets/thumbnails/e6/e65b6cf6866769254d8ebb1708d04a5c.png ""Түнде жүргенім үшін бір күнге қамалдым": қарағандылық әйел студенттерге ақыл айтты")
![](/assets/thumbnails/6e/6e0d2b5be286ffab537a6387cfea1475.jpg ""Әке-шеше демей эгоист болу керек екен": сүрбойдақ жүрген жігіт алдымен өз жағдайын жасамағанына өкінеді")
