«Күшіміз бірлікте»: Шымкентте 1500 отбасыға азық-түлік таратылды

0
1 035

Әр себетте тұрмысқа қажетті ұн, күріш, шәй, пісте майы, қант, макарон өкімдері секілді азық-түліктер бар.


«Күшіміз бірлікте»: Шымкентте 1500 отбасыға азық-түлік таратылды

Шымкент қаласында Ережеп айының келуіне орай, «Күшіміз бірлікте» атты қайырымдылық іс-шарасы ұйымдастырылды, деп хабарлайды ERNUR.KZ.

«Зекет және қайырымдылық» қорының ұйытқы болуымен өткен игі бастамада Шымкент қаласының бас имамы Бақдәулет қажы Әбдірахманов жиылған жамағатқа Ережеп айының қадір-қасиеті жайында баяндап, сауапқа толы айда жақсы амалдармен өткізуді, мейірімді болуға үндеді.
Бүгінгі ұйымдастырылып отырған іс-шараның негізгі мақсаты қоғам арасында қайырлы істерді көбейтіп, халықты бір-біріне бауырмал болуға шақыру екенін атап өтті.
– Бүгінгі қайырымдылық іс-шарасы аясында «Ордабасы» «Байғұт баба», «Нұр-Төбе», «Әл-Біләл» және «Дін Ислам» мешіттерінен азық-түлік себеттері үйлеріне жеткізілді. Осы игі шараға қолдау білдірген кәсіпкер азаматтарға Алла Тағала разы болсын!, - деді қаланың бас муфтиі.
Қайырымдылық іс-шара барысында көп балалы, мүмкіндігі шектеулі 1 500 отбасыға азық-түлік себеті үлестірілді. Әр себетте тұрмысқа қажетті ұн, күріш, шәй, пісте майы, қант, макарон өкімдері секілді азық-түліктер бар.