Полицейлер құстарды бостандыққа жіберді.
көрнекілік фото: ашық дереккөзден
ERNUR.KZ. Шымкентте табиғатты қорғау полициясы екі жүзден астам заңсыз ауланған құстарды босатты.
Бұл туралы Шымкент қаласы ПД баспасөз қызметі хабарлады.
Құқық бұзушылық жасаған 4 қала тұрғыны ҚР ӘҚБтК-нің 382-бабы бойынша жауапқа тартылды. Тәртіп сақшылары оларды профилактикалық іс-шаралар жүргізу барысында қаладағы Жабық базардың аумағынан анықтады. Мұнда заң бұзушылар пайызторғайларды сатып тұрған. Полицейлер тордан 212 әнші құсты босатты.
Сондай-ақ, табиғатты қорғау полициясының инспекторлары Түркістан облыстық аңшылар мен балықшылар қоғамымен бірлесіп жүргізген рейд барысында жабайы үйректерді заңсыз аулаған азаматты анықтады.
Оған қатысты ӘҚБтК-нің 382 "жануарлар дүниесін пайдалану талаптары мен аң аулау қағидаларын бұзу" және 484 баптары "азаматтық қару айналымы қағидаларын бұзу" бойынша әкімшілік хаттамалар толтырылды.
Құқық қорғаушылар тұрғындарға заңсыз аң аулағаны үшін заңнамада көзделген жауапкершілік туралы еске салады және өңірдің экологиялық әл-ауқатын сақтауға, табиғат пен жануарлар дүниесін қорғауға шақырады.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
