ШЫМКЕНТ: ЕҢБЕКШІ АУДАНЫНДА 40 ЖОБА ЖҮЗЕГЕ АСЫРЫЛАДЫ

26.02.2025 19:05

Биыл Шымкент қаласы Еңбекші ауданында «Халық қатысатын бюджет» аясында тұрғындарға қолайлы жағдай жасау мақсатында маңызды жобалар жүзеге асырылады.

Атап айтқанда, 35 балалар ойын, спорт алаңы, сондай-ақ 5 қоғамдық орын пайдалануға беріледі.

Жергілікті азаматтардың ұсыныстары бойынша Еламан, Оңтүстік, Цементшілер, Жұлдыз, Бадам-1, Базарқақпа, Ұлағат шағынаудандары мен елді мекендерінде балалар және спорт алаңшалары бой көтереді.

Айта кетейік, өткен жылы аудан тұрғындарына қолайлы жағдай жасау мақсатында 56 жоба іске асырылды. Оның ішінде 43 балалар ойын алаңы, 8 балалар және спорт алаңы, сондай-ақ 5 гүлзар пайдалануға берілген.