Шымкент қаласы Білім басқармасы Психологиялық қолдау орталығы қалалық прокуратураның ұйымдастыруымен №88 Жалпы орта білім беретін мектебінде «Балалардың психологиялық әл-ауқатын және құқықтарын қорғауды кәсіби қолдау» тақырыбында ашық есік күні өтті.
Концерттік бағдарламамен басталған іс-шараға 170-ке жуық ата-ана қатысты.
Мінберден сөз алған қалалық прокуратура өкілдері, Психологиялық қолдау орталығының мамандары және білім саласының қызметкерлері балалардың құқықтары мен қауіпсіздігі, психологиялық әл-ауқатын нығайту, олардың құқықтарын қорғауға бағытталған кәсіби қолдауды күшейту, ата-аналар мен мұғалімдерге психологиялық көмек көрсету, балалармен дұрыс қарым-қатынас орнату жолдарын үйрету және олардың қауіпсіз ортада өсіп-жетілуіне ықпал ету туралы баяндама жасап, ата-аналармен өзекті мәселелерді талқылады. Шара аясында Психологиялық қолдау орталығының қызметі мен мақсат-міндеттері туралы бейнеролик көрсетілді. Онда орталықтың атқаратын жұмыстары, балалар мен ата-аналарға көрсетілетін кәсіби көмек пен қолдау туралы жан-жақты ақпарат берілді.
Жиын барысында психолог мамандар балалармен және ата-аналармен тиімді қарым-қатынас орнату тақырыптарында тренингтер өткізді.
Балаларға арналған тренингтерде олардың өзін-өзі бағалауы, сенімділігі, жан-жақты дамуы басты назарда болды. Ата-аналармен өткен тренингте бала тәрбиесіндегі ата-ананың рөлі, олардың эмоционалдық қолдауы мен түсіністігі талқыланды.
Айта кетсек, мұндай ашық есік күні Шымкент қаласындағы ұзын саны 150 мектепте сәуір айының соңына дейін жалғасады. Мұндай шаралар балалардың құқықтарын қорғау, ата-аналардың құқықтық сауаттылығын арттыру және оқушыларға психологиялық қолдау көрсетуге бағытталған.
![](/assets/thumbnails/43/439f126e001c1cb0b1c2f9a57b1f21df.jpg ""Жетім жігітке күйеуге тисем екен" деп армандадым"")
