Шымкентте 3 кішкентай бала коронавирус жұқтырды

Бүгін Шымкент қаласында коронавирус инфекциясын жұқтырған 14 адам тіркелді, деп хабарлайды ERNUR.KZ.

ПТР диагностикалық зерттеу нәтижелері бойынша COVID-19 вирусы 6 әйел адам, 5 ер адам және 3 кішкентай баладан анықталды.

Олардың 5-уі вирусты жұқтырғандармен жақын қарым-қатынаста болса, 6-уы ЖРВИ диагнозымен стационарға жатқызылған.

Екеуі алғашқы медициналық жедел көмекке ЖРВИ белгілерімен жүгінгенсе, 1-і стационарға жоспарлы түрде жатқызу алдында тексерілген.

Барлық науқас тиісінше жұқпалы аурулар стационарына жатқызылған. Қазіргі таңда науқастардың жағдайы қанағаттанарлық, бекітілген хаттамаға сәйкес тиісті ем алып жатыр. Профилактикалық іс-шараларды жүргізу үшін науқастармен қарым-қатынаста болған адамдар анықталуда. Ауру ошақтарында дезинфекция жасалды.

Естеріңізге сала кетейік, мегаполисте коронавирус инфекциясын жұқтырған 992 адам анықталды.

Олардың 443-і жазылып шықса, 10 науқас көз жұмған.