Шымкентте білім сапасын арттыру мақсатында жеті мектепке қосымша ғимараттар салынды

02.09.2026 11:07

Ал №66 және №122 мектептердің қосымша ғимараттарындағы құрылысты жыл соңына дейін аяқтау жоспарлануда.

Шымкент қаласында биыл білім беру нысандарындағы орын тапшылығын азайту мақсатында бірқатар мектепке қосымша ғимараттар салынуда.

Қосымша ғимарат құрылысы жүргізілген нысандар:

* №16 Жайлау жалпы орта мектебі;

* №121 Текесу жалпы орта мектебі;

* Кенесары Қасымұлы атындағы №82 жалпы орта мектебі;

* №122 Ақжар жалпы орта мектебі;

* №66 Қазығұрт жалпы орта мектебі;

* №19 жалпы орта мектепке қосымша мектеп;

* Сайрам көмекші мектеп-интернат-колледжіне 300 орындық жатақхана.

Биылғы мамыр айында Өзбекәлі Жәнібеков атындағы №19 жалпы орта мектебінің 325 орындық қосымша ғимараты мен Сайрам көмекші мектеп-интернат-колледжінің 300 орындық жатақханасы салынып, пайдалануға берілді.

Сонымен қатар, жаңа оқу жылы қарсаңында №16, №82 және №121 мектептердің қосымша ғимараттарының құрылысы аяқталып, пайдалануға берілді.

Ал №66 және №122 мектептердің қосымша ғимараттарындағы құрылысты жыл соңына дейін аяқтау жоспарлануда.