Шымкентте Халықаралық футбол турнирі аяқталды

Дәстүрлі жарыс биыл да өз деңгейінде ұйымдастырылып, 2009-2010 жылы туған жасөспірім футболшыларға үлкен мүмкіндік сыйлады. Олар алаңда шеберліктерін көрсетіп, болашаққа сеніммен қарауға жол ашты. Турнирдің басты мақсаты – жас таланттардың әлеуетін арттырып, қазақстандық футболдың дамуына үлес қосу.

Турнирдің салтанатты жабылу рәсіміне Шымкент қаласы дене шынықтыру және спорт басқармасы басшысының орынбасары Ермек Дарменов Аманжолұлы, Махамбет Баймырзаұлы Сапарбаевтың жұбайы Райса Раймбекқызы, сондай-ақ №17 футболдан ОРМБЖСМ директоры Ербол Мауленбайұлы Түнғатаров қатысты.

Жарыстың құрметті меймандары жас футболшыларға ізгі тілектерін жолдап, жарыстың жоғары деңгейде ұйымдастырылғанын атап өтті. Райса Раймбекқызы турнирге қатысқан барлық спортшыларды құттықтап, алдағы уақытта биік белестерді бағындыруларына тілектестік білдірді.

Көпкүндік тартысты бәсекеде командалар өзара мықтыны анықтап, жанкүйерлерге қызықты ойын өрнегін ұсынды. Жеңімпаздар мен жүлдегерлерге арнайы кубоктар, медальдар және бағалы сыйлықтар табыс етілді.

Жалпы командалық есепте жүлделі орындар төмендегідей бөлінді:

Бұл турнир – Қазақстан футболының болашағына салынған инвестиция. Жас футболшылар үшін үлкен тәжірибе алаңына айналған жарыс алдағы жылдары да жалғасын табады.