​ШЫМКЕНТТЕ «КӨКТЕМ» БАЗАРЫ ЖАҢА САУДА ОРТАЛЫҒЫНА КӨШЕДІ

0
334


​ШЫМКЕНТТЕ «КӨКТЕМ» БАЗАРЫ ЖАҢА САУДА ОРТАЛЫҒЫНА КӨШЕДІ

Шымкенттегі «Көктем» базарының кәсіпкерлері өз қызметін жалғастыра алады. Олар базар жанында орналасқан жаңа үш қабатты сауда орталығына көшеді.

Барлық кәсіпкерлер үшін 2025 жылдың 1 мамырына дейін жалдау ақысы алынбайды, бұл олардың бизнесін еш кедергісіз жүргізуге мүмкіндік береді.

Жаңа сауда орталығы – заманауи үш қабатты ғимарат, жалпы аумағы 7200 шаршы метр. Мұнда кәсіпкерлерге жаңа сауда орындары ұсынылады. Сауда орталығы келесідей бөлінеді:
1-қабат – сантехника және құрылыс материалдары
2-қабат – күнделікті тұтыну тауарлары (көкөніс, жеміс-жидек, ет өнімдері)
3-қабат – киім-кешек, ойыншықтар және басқа тауарлар
Айта кетсек, алғашқы 3 ай жалдау ақысы – тегін. Кейіннен жалдау құны олардың «Көктем» базарында төлеп жүрген деңгейінде сақталады. Мысалы, егер кәсіпкер бұрын 2x3 метр бутикті жалға алу үшін 25 мың теңге төлеген болса, жаңа сауда орталығында да осындай соманы төлейді. Кәсіпкерлермен түсіндіру жұмыстары жүргізілді. Қосымша сұрақтар бойынша 8-7252-24-74-33 нөміріне хабарласуға болады.
Бөлісу