Шымкентте коронавирус инфекциясын жұқтырған тағы 4 адам тіркелді

2020 жылдың 9 сәуірі күні корнавирус инфекциясын жұқтырғандардың төртеуі Шымкент қаласында тіркелді, деп хабарлайды ERNUR.KZ.

Олардың барлығы да коронавирустық инфекция жұқтырған адаммен қарым-қатынаста болуына байланысты карантиндік стационарға жатқызылып, зертханалық сынама алынған.

ПТР диагностикалық зерттеу қорытындысымен COVID-19 диагнозы нақтыланды. Қазіргі таңда науқастардың жағдайлары бірқалыпты. Бекітілген хаттамаға сәйкес тиісті ем жүргізілуде. Науқастармен қарым-қатынаста болған адамдар анықталып, барлығы медициналық бақылауға алынып жатыр. Ауру ошақтарында эпидзерттеу, дезинфекциялық жұмыстар жүргізілуде.

9 сәуір сағат 10:00-дағы жағдай бойынша Шымкент қаласында COVID-19 коронавирус инфекциясына шалдыққан 27 адам тіркелді.