Шараға қаланың белсенді жастары, құқық қорғау органдарының өкілдері, заңгерлер және оқу орындарының оқытушылары қатысты.
Шымкентте жастардың құқықтық білімін жетілдіру мақсатында «Заңды білу – заман талабы» атты дөңгелек үстел ұйымдастырылды.
Шараға қаланың белсенді жастары, құқық қорғау органдарының өкілдері, заңгерлер және оқу орындарының оқытушылары қатысты.
Университет студенттері өздерін толғандырған сұрақтарын қойып, мамандардан нақты жауап алды. Спикерлердің айтуынша, құқықтық сауаттылық – қоғамдағы әрбір азамат үшін маңызды, ал заңдарды білу жеке қауіпсіздік пен әлеуметтік тұрақтылықтың кепілі болып табылады.
Дөңгелек үстел соңында қатысушылар заңнамалық өзгерістер туралы пікір алмасып, жастарды құқықтық мәдениетті дамытуға шақырды. Ұйымдастырушылар мұндай шараларды алдағы уақытта тұрақты түрде өткізуді жоспарлап отырғандарын атап өтті.
