Чемпионат өз деңгейінде өтіп, қатысушылар өз шеберліктерін шыңдауға және тәжірибе алмасуға зор мүмкіндік алды.
Орал қаласында индорхоккейден ересектер арасындағы Жоғарғы лиганың 1 және 2 туры аясында Қазақстан чемпионаты өз мәресіне жетті.
2024 жылдың 25 қаңтарында басталып, 1 ақпанға дейін жалғасқан дүбірлі додада еліміздің үздік ерлер және әйелдер құрамалары өзара мықтыны анықтады.
Ал Шымкент қаласының ерлер құрамасы да лайықты өнер көрсетіп, тартысты кездесулердің нәтижесінде жалпы есепте төртінші орынға ие болды. Жарыс барысында олар қарсыластарына оңайлықпен жол бермей, соңына дейін күресе білді.
Чемпионат өз деңгейінде өтіп, қатысушылар өз шеберліктерін шыңдауға және тәжірибе алмасуға зор мүмкіндік алды. Индорхоккейден Қазақстан чемпионаты отандық спорттың дамуына серпін беріп, алдағы жарыстарға үлкен мотивация болмақ.
Айта кетейік, қараша айында Жоғарғы лиганың 3-ші және 4-ші турлары өтеді.
