Азия чемпионаты: финалға шыққан бес қазақстандық боксшының төртеуі алтын алды

10.04.2026 15:44

100

Ұлан-Батырда бокстан Азия чемпионатының ерлер арасындағы финалы өтті.

ERNUR.KZ. Азия чемпионатының финалына шыққан бес қазақстандық боксшының төртеуі алтын медаль алды, деп жазады sputnik.kz.

60 келі салмақта Оразбек Асылқұлов үндістандық Сачин Сачинді 5:0 есебімен жеңді.

75 келі салмақта Сабыржан Аққалықов өзбекстандық Жавохир Абдурахимовтан басым түсті. Қорытынды есеп: 5:0.

85 келі салмақта Нұрбек Оралбай да өзбекстандық қарсыласынан айласын асырды. Нұрбектің Жасурбек Юлдашевпен кездесуі 5:0 есебімен аяқталды.

+90 келі салмақта Айбек Оралбай қытайлық Данабек Байқоныспен кездесіп, 5:0 есебімен басым түсті.

Ал 70 келі салмақта Төрехан Сабырхан финалда иорданиялық Зейад Ишаиштен 5:0 есебімен жеңіліп, күміс жүлдегер атанды.