Еркін күрестен халықаралық турнирде Қазақстан балуандары екі алтынға ие болды

ERNUR.KZ. Қазақстандық еркін күрес шеберлері Бувайсар Сайтиевтің жүлдесіне арналған халықаралық турнирде екі алтын медаль жеңіп алды, деп жазады Olympic.kz.

Ресейдің Красноярск қаласында еркін күрестен Олимпиада ойындарының жеңімпазы және алты дүркін әлем чемпионы Бувайсар Сайтиевтің жүлдесі үшін жасөспірімдер арасындағы халықаралық турнир аяқталды.

Жарыс нәтижесінде қазақстандық екі алтын және төрт қола медаль еншіледі.

57 келідегі Егор Анчугн мен 75 келідегі Мүсілім Жақсылық алтын медаль иеленсе, Әди Серікұлы (41 келі), Серік Нұрасыл (57 келі), Асхаб Хаджиев (57 келі) және Әлихан Құсайыновтар (85 келі) қола жүлдегер атанды.

Аға бапкер Еркебұлан Кешубаев жаттықтыратын Қазақстан командасы жалпыкомандалық есепте екінші орыннан көрінген.