Мбаппе әлем чемпионатынан кейін ең қымбат ойыншы атанды

Championat.com сайтынан мәлім еткеніндей, Transfermarkt интернет порталы біріншілік қорытындысы бойынша футболшылардың трансферлік құнын жаңартқан.

К.Мбаппенің бағасы 20 млн-ға өсіп, 160 млн-нан 180 млн еуроға жеткен. Ол бұл көрсеткіш жөнінен «Манчестер Сити» мен Норвегия құрамасының шабуылшысы Эрлинг Холандтан асып түсті.

Сондай-ақ Аргентина мен «Бенфика» клубының жартылай қорғаушысы Энцо Фернандестің құны 35 млн-нан 55 млн еуроға дейін өсті. Аргентина мен «Манчестер Сити» шабуылшысы Хулиан Альварестің трансфері 18 млн қосып, 50 млн еуроға бағаланып отыр.

Йошко Гвардиол (€ 75 млн, Хорватия, «РБ Лейпциг»), Коди Гакпо (€ 60 млн, Нидерланд, ПСВ) және Софьян Амрабаттың (€ 25 млн, Марокко, «Фиорентина») әрқайсысының құны 15 млн еуродан өсті. Гвардиол әлемдегі ең қымбат қорғаушы атанды.

Англия футболшылары Джуд Беллингем (€ 110 млн, «Боруссия» Дортмунд) мен Букайо Саканың (€ 100 млн, «Арсенал») бағасы 10 млн еуроға артты.

Еске сала кетейік, бұдан бұрын футболдан әлем чемпионатына қатысқан құрамалардың қанша сыйақы алатыны белгілі болғанын жазған едік.

Сондай-ақ Марокко құрамасының ойыншылары 25 млн еуро сыйақыны қайырымдылық мақсатына жұмсамақшы.

Лионель Месси Францияның «ПСЖ» клубында қалатын болды.

Бразилиялық Ришарлисонның Сербия қақпасына соққан голы үздік деп танылды.