Ашық диалог барысында жергілікті тұрғындар салықтық әкімшілендіруді жетілдіру бойынша өз ұсыныстарын білдірді.
ҚР ҚМ МКК Төрағасы Түркістан облысына жұмыс сапарымен келді, деп хабарлайды ERNUR.KZ.
2025 жылғы 5 наурызда «Халық үніне құлақ асатын мемлекет» тұжырымдамасын іске асыру шеңберінде Қазақстан Республикасы Қаржы министрлігі Мемлекеттік кірістер комитетінің төрағасы Жандос Дүйсембиев Түркістан облысының тұрғындарымен кездесу өткізді.
Жандос Дүйсебаев өз сөзінде салық салу және салықтық әкімшілендіру саласындағы негізгі өзгерістерді атап өтті, сондай-ақ мемлекеттің азаматтармен өзара іс-қимылының ашықтығын арттыруға және жақсартуға бағытталған маңызды бастамаларды атап өтті.
Ашық диалог барысында жергілікті тұрғындар салықтық әкімшілендіруді жетілдіру бойынша өз ұсыныстарын білдірді.
Кездесу соңында Жандос Дүйсембиев азаматтардың сұрақтарына жауап беріп, Түркістан облысының тұрғындарына белсенді қатысып, конструктивті ұсыныстар айтқаны үшін алғыс білдірді. Оның айтуынша, бұл салықтық әкімшілендіруді және бизнес жүргізуді одан әрі жақсартуға көмектеседі.
2025 жылғы 6 наурызда Түркістан облысына сапары барысында төраға «Атамекен», «Қазығұрт» және «Қапланбек» жаңғыртылатын өткізу пункттеріне барып, аталған объектілердің құрылысын жүргізу барысымен танысып, мердігер ұйымдармен кеңес өткізді.
Кеңес қорытындысы бойынша Жандос Дүйсембиев мердігер ұйымдарға құрылыс жұмыстарының қарқынын жеделдетуді «Атамекен» және «Қазығұрт» өткізу пункттерінде технологиялық жабдықтарды уақтылы іске қосуды қамтамасыз етуді тапсырды.
Жаңғырту шекара бекеттерінің инфрақұрылымын жақсартуға мүмкіндік береді, шекарадан ыңғайлы өту және мемлекеттік бақылаудың барлық түрлерін сапалы жүргізу үшін барлық жағдайлар жасалады, өткізу қабілеті 6 есе артып, тауарларды тасымалдаудың бүкіл циклін автоматтандыру арқылы шекарадан өту уақыты 30 минутқа дейін қысқарады.
Сондай-ақ, осы жылы реконструкция жұмыстары басталады деп жоспарланған «Жібек Жолы» шекара бекеті де араланды.
Бұл бекет екі ел үшін маңызды өткізу пункттерінің бірі болып табылады, ол шекара арқылы жыл сайын шамамен бір миллион адам өтеді.
Шекара бекетін аралау барысында Қазақстан-Өзбекстан шекарасындағы өткізу бекеттерін жаңғырту мәселелерін талқылау үшін өзбек тарапының өкілдерімен кездесу өткізілді.
Кездесу қорытындысы бойынша Төраға мердігер ұйымға дайындық және мобилизациялық жұмыстарды қысқа мерзімде аяқтауды, сондай-ақ «Жібек Жолы» өткізу бекетінің реконструкциясын жеделдетіп бастауды тапсырды.
