ТҮРКІСТАН: Арыста алтын құрсақты аналар марапатталды

Арыста көпбалалы аналарға құрмет көрсетілді, деп хабарлайды ERNUR.KZ.

Игі шараға қала әкімі Қайсар Маңқараев қатысып, нәзік жандыларға мемлекеттік наградаларын табыстады. Салтанатты жиында 19 анаға «Күміс алқа», 7 анаға «Алтын алқа» төсбелгісі табысталды.

Қала басшысы өз сөзінде аналардың қоғамдағы рөлі мен олардың ұрпақ тәрбиесіндегі еңбегін ерекше атап өтті.

«Сіздер – еліміздің болашағын қалыптастырып отырған ардақты аналарсыздар. Сіздердің жанкешті еңбектеріңіз бен төзімдеріңізге бас иеміз. Отбасыларыңызға амандық, дендеріңізге саулық, балаларыңыздың қызығын көре беріңіздер!» деді ол.

Марапатқа қатысқан аналар алғыстарын білдіріп, мемлекет тарапынан көрсетіліп жатқан қолдауларға ризашылықтарын жеткізді.