Облыс әкімінің орынбасары Бейсенбай Тәжібаев медициналық-санитарлық алғашқы көмек нысандарын пайдалануға тапсыру бойынша мәжіліс өткізді.
фото:Түркістан облысы әкімінің баспасөз қызметі
ERNUR.KZ. Түркістан өңірінде шалғай ауылдарды сапалы медициналық қызметпен қамтамасыз ету және инфрақұрылымын жақсарту бағытында ауқымды жұмыстар атқарылып жатыр. Заманауи медициналық пункттер ашылып, қажетті құрал-жабдықтармен толықтырылуда. Бұл бастамалар тұрғындардың дәрігерлік көмекке қолжетімділігін арттырып, денсаулық сақтау жүйесін жаңа деңгейге көтеруге мүмкіндік береді.
2024 жылы «Ауылдық денсаулық сақтауды жаңғырту» Ұлттық жобасы аясында 49 медициналық-санитарлық алғашқы көмек нысандарының құрылысын жүргізу жоспарланған. Оның ішінде 32 нысан ашылып, бүгінде жергілікті халыққа қызмет көрсетуде. 1 нысан жеке инвестор тарапынан салынған. Қалған 16 ғимараттың құрылысы аяқталған. Қазіргі таңда құрал-жабдықтарын орнату жұмыстары жүргізілуде. Мәжілісте нысандардың бүгінгі ахуалы баяндалды. Жауапты басқармалардың мәлімдеуінше, 2025 жылы Ұлттық жобадан тыс 20 ФАП-тың құрылысын жүргізу көзделген.
Бейсенбай Дәулетұлы кемшіліктерге тоқталды. Тез арада реттеуді қатаң ескертіп, жұмысты күшейтуді міндеттеді. Ауыл азаматтары медициналық нысандардың игілігін көруге тиіс.
![](/assets/thumbnails/7f/7fa43c9a698c4fcd3e00658595d2a27d.jpg ""Мамандық таңдаудан қателескен сияқтымын" - ТАНЫС ЖАҒДАЙ МА?")
