ТҮРКІСТАН: Полицейлер есірткі сатқан күдіктілерді ұстады

20.02.2019 21:55

2 316

Түркістан облысының полицейлері Төлеби ауданының тұрғынын 40 грам марихаунамен ұстаған.

Түркістан облысы Полиция департаменті есірткіге қарсы күрес басқармасы қызметкерлерінің жүргізген жедел-алдын алу іс-шарасы көлемінде ағымдағы жылдың басында 70-ке жуық есірткі құқықбұзушылығы мен қылмыстарын, соның ішінде 12 есірткі сату және көп мөлшерде есірткі затын сақтаудың 7 дерегін анықтады - деп хабарлайды ERNUR.KZ тілшісі.

Полицейлер заңсыз айналымдағы 11,5 кг-нан асатын есірткі затын тәркілеген. Атап айтқанда, 2019 жылдың қаңтар айында ТО ПД ЕБҚКБ-на Төлеби ауданының тұрғыны марихуана сатумен айналысатыны туралы хабарлама келіп түскен. Жедел-іздестіру іс-шарасы барысында полицейлер есірткі сатқан күдіктіні ұстады. Заттай айғақ ретінде салмағы 40 грамнан асатын марихуана тәркіледі.

ТО ПД-нің полицейлері Ордабасы ауданынан есірткі сатудың тағы бір жайтын анықтады. Жедел іс-шарасы барысында ЕБҚКБ қызметкерлері есірткі сатады деген күдікпен жергілікті тұрғынды ұстады. Жедел уәкілдер заттай айғақ ретінде жалпы салмағы 50 грамнан аса марихуананы тәркіледі.

"Қазіргі уақытта аталған жайтқа ҚР ҚК 297-бабы «Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу» бойынша сотқа дейінгі тергеп-тексеру жүргізілуде. Күдіктілер қамауға алынды. Полицейлер ұсталғандардың басқа да қылмыстарға қатыстылығын анықтауда",-деп хабарлайды Түркістан облыстық полиция департаментінің баспасөз қызметі.