ТҮРКІСТАН: Түлкібаста мыңға жуық қызметкер сенбілікке шықты

Түлкібаста мыңға жуық мекеме қызметкері күре жолға сенбілікке шықты, деп хабарлайды ERNUR.KZ.

Түлкібас ауданында «Таза Қазақстан» бағдарламасы аясында сенбілік өтті. Тазалық шарасы «Батыс Еуропа – Батыс Қытай» автодәлізінің аудан аумағында, КХ-70 облыстық маңызы бар жол және елді мекен ішінен өтетін А-2 республикалық жолдың бойына ұйымдастырылды. Оған аудан әкімдігіне қарасты барлық мекеме қызметкерлері мен аудан аумағындағы басқа да мекеме ұжымы қатысып, өздеріне бөлініп берілген аумақты тазалады.

Бағдарлама аясында, көше бойындағы қоқыстар және арық-атыздар тазартылып, ретсіз өсіп кеткен ағаш бұталары реттелуде, тал түптері әктеліп, қоршаулар сырлануда.

Жауапты мамандар аптаның әр жұма күні «Жалпы аудандық тазалық күні» болып бекітілген айтып, айналаны таза ұстау әрбір тұрғынның міндеті екенін жеткізді. Сондай-ақ барша аудан тұрғындарын тазалық шараларына атсалысуға шақырды.