ТҮРКІСТАН: Вакцина қабылдағандардың саны 900 мыңнан асты

Түркістан облысында 908625 адам COVID-19 індетіне қарсы вакцина салдырған, деп хабарлайды ERNUR.KZ.

Түркістан облысында соңғы тәулікте 857 адам екпе қабылдаған. Облыста екінші компонентпен 6261 адам вакцина салдырды. Бүгінде өңір тұрғындары ресейлік «Спутник V», отандық QazVac, Қытайдың CoronaVac және Sinopharm компаниясының Vero Cell вакцинасын қабылдай алады.

Айта кетсек, соңғы тәулікте Түркістан облысында 43 адамда COVID-19 індеті анықталды. Тәуліктік өсім 0,29%. % құрайды. Жалпы облыста пандемия белең алғалы 1 051 303 ПТР-сынамалары алынған. Ал, соңғы тәулікте зертханаларда 2506 адам тексерілді. Жұқпалы аурулар ауруханасында барлығы 1969 орын бар, олардың 1587-і бос.

Жалпы, пандемия басталғалы Covid-19 инфекциясы расталған 14 495 жағдай тіркелді. Олардың 7457-да ауру симптомсыз өткен болатын.