Көрші елде коронавирустың жаңа түрі қайта өршіді

Бұл туралы РФ тұтынушылардың құқықтарын қорғау және адам әл-ауқатын қадағалау жөніндегі федералдық қызметі мәлімдеді.

Коронавирустың осы жаңа генонұсқасын жұқтырудың 4 жағдайы анықталды. Бұл белгілі бір деңгейде алаңдатушылық тудырады, - деді ведомство басшысы Анна Попова.

Айта кетерлігі, аурудың ағымы әдеттегі COVID-ке ұқсас.

Індеттің жаңа нұсқасы Қытайда, Үндістанда және АҚШ-та таралып жатқаны белгілі. Сондай-ақ Азияда вирус күрт көбейген. Әсіресе Қытай, Сингапур зардап шегуде.

Нақтырақ айтқанда, NB.1.8.1 алғаш рет 2025 жылы қаңтарда анықталған.

Еске салайық, мамыр айында еліміздің Денсаулық сақтау министрлігі Азияда COVID-19-дың көптеп таралуына байланысты мәлімдеме жасаған болатын.

Ведомствоның айтуынша, республикамызда әлемдегідей "омикрон" штамы бар.