Бұған дейін Microsoft жасанды интеллекті бар деректер орталығына 80 миллиард доллар инвестиция салатыны хабарланған болатын.
ERNUR.KZ. Америкалық Microsoft компаниясы мамыр айынан бастап Skype қызметін тоқтатпақшы, деп жазады inbusiness.kz.
Бұған XDA Developers порталы назар аударды.
Оның айтуынша, соңғы жаңартуда пайдаланушыларды Teams қызметіне ауысуға шақырған.
“ Скайп мамыр айынан бастап қолжетімсіз болады. Қоңыраулар мен чаттар үшін Teams қолданбасын пайдаланыңыздар”, – делінген хабарламада.
Skype платформасы 2003 жылы іске қосылды және оны 2011 жылы Microsoft сатып алды. Портал 2017 жылы Microsoft Skype-қа ұқсас Teams платформасын іске қосты. Содан бері компания бұл қызметті барынша алға жылжытуға күш салды.
XDA Developers атап өткендей, Microsoft қазіргі уақытта бұған түсінік беруден бас тартып отыр.
