Фото: unsplash
ERNUR.KZ. Екі елдің шекарасы мұздықтармен немесе ерімеген қар учаскелерімен анықталады. Бірақ соңғы жылдарда мұздықтар көлемінің күрт төмендеуі табиғи шекараның өзгеруіне себеп болды. Бұл өзгерістер қазірдің өзінде нақты географиялық өзгерістерді көрсетеді, деп жазады inform.kz.
Өзгеріске ұшыраған аумақтың бір бөлігі Еуропадағы ең биік шыңдардың бірі және әйгілі тау шаңғысы курорты Маттерхорн баурайынан өтеді.
Шекара өзгерістерінің жобасын 2023 жылдың мамырында швейцариялық-италиялық топ дайындаған. Швейцария келісімді мақұлдады, Италия әлі қол қойған жоқ.
Швейцария жұма күні шекараны қайта қарау екі елдің экономикалық мүддесіне сай келетінін айтты. Өйткені бұл олардың қайсысы табиғи аумақты ұстауға жауапты екенін келісуге көмектеседі.
Швейцария мұздықтары 2023 жылы көлемінің 4 пайызын, 2022 жылы 6 пайызын жоғалтты. Бұл жаздың ыстық болуы мен қыста қардың болмауына байланысты. Ғалымдар одан әрі мұздықтар тез еритінін ескертті.
Еріген мұздықтар орнынан 1986 жылы жоғалып кеткен альпинистің және 1968 жылы апатқа ұшыраған ұшақ қалдықтары табылған.
![](/assets/thumbnails/42/421b12b4029f49e38568215ae605f117.jpeg ""Кезінде тастап кетіп ең, енді керек емессің!» деп қуып шықпай ма?" - ұлынан кешірім сұрағысы келген әкені осы сұрақ мазалап жүр")
![](/assets/thumbnails/68/68d32d799d930656aa7fae574e548b53.jpg ""Анам баласының өліміне менің күйеуім кінәлі деп ойлайды"")
