"Маргарита" пиццасын барлық балалар сүйіп жейді. Оны жасай алу әрбір ананың қолынан келуі керек. Ендеше пиццаны өз қолыңызбен дайындап көріңіз!
Қажетті қоспалар:
- Қамырға: 1,5 стақан ұн
- 1 шай қасық ашытқы
- 1 шай қасық қант
- 0,5 стақан су, тұз
- 4 ас қасық өсімдік майы
- Салмасына:
- 3 ас қасық томат тұздығы
- 2 ас қасық зәйтүн майы
- 1 тіс сарымсақ
- Дәміне қарай тұз
- 200 гр. моцарелла ірімшігі
- 8 дана черри қызанағы
- Азырақ насыбайгүл
Дайындалу тәсілі:
- Ең алдымен пиццаның қамырын дайындап алу керек. Ол үшін жылы суға қант пен ашытқыны салып, бетін жауып, 10-15 минутқа қалдырыңыз.
- Ыдысқа 2 ас қасық зәйтүн майы мен тұз қосып, жақсылап араластырыңыз.
- Барлық қоспаларды қосып, ұнды салып, барлығын араластырып, қамыр илеңіз.
- Қамыр жұмсақ болып шығуы керек. Соңында қолыңызға өсімдік майын жағып, қамырды бір илеп жібересіз.
- Енді пиццаның салмасын дайындайық. Балғын насыбайгүлді майдалап турап, қызанақтарды да тілімдеп турайсыз.
- Сарымсақтың қабығын аршып, екіге бөліңіз. Сосын табаны отқа қойып, май құйып, қыздырыңыз. Сарымсақты салып, 2 минуттай қуырасыз. Томат тұздығын құйып, қозғап отырып, қайнату керек. 2 минуттан соң майдалап туралған насыбайгүлді саласыз. Сонымен тұздық та дайын.Ішіндегі сарымсақты алып тастап, тұздықты суытыңыз.
- Моцарелланы турап, бір бөлігін үккіштен өткізсеңіз де болады.
- Қамырды жайып, табаның жан-жағына созыңыз.
- Сосын қамырға тұздықты жағып, моцарелланы қойып шығыңыз.
- Кейіннен қызанақтарды жайғастырыңыз. Осылайша дайындалған пиццаны қызып тұрған пешке салып, пісіріп алыңыз.
Дайындаған: Қ.Өмірзаққызы,
ТАҒЫ ДА ОҚЫҢЫЗ:
