Вице-министрдің түсіндіруінше, жүйе қызмет көрсетушіні оның мәліметтерін салық органдарынан сұрау, жұмыс тәжірибесін зерделеу арқылы автоматты режимде таңдап алады.
ERNUR.KZ. 2022 жылдың 1 шілдесінен бастап құрылыс саласындағы мемлекеттік сатып алуға рейтингілік-балдық жүйе енгізіледі. Бұл жайында ҚР Қаржы вице-министрі Дәурен Кеңбейіл айтты, деп жазады ҚазАқпарат.
«Бірінші шілдеден бастап ілкі жоба ретінде рейтингілік-балдық жүйені сынап көрмекпіз. Заңға ол кіргізілген. Бірақ, іс жүзінде 1 шілдеден бастап жүзеге асырмақпыз. Ол құрылыс-монтаж жұмыстарын сатып алу кезінде автоматты режимде жұмыс істейді. Демек, жүйе құрылыс жұмыстарын жүргізетін жеткізушіні, яғни мердігерді автоматты режимде іріктеп алады», - деді Дәурен Кеңбейіл Қаржы министрлігі мен Дүниежүзілік банк бірлесіп өткізген семинар аясында БАҚ өкілдеріне берген сұхбатында.
Вице-министрдің түсіндіруінше, жүйе қызмет көрсетушіні оның мәліметтерін салық органдарынан сұрау, жұмыс тәжірибесін зерделеу арқылы автоматты режимде таңдап алады.
«Жүйе мұның барлығын автоматты түрде жинақтайды және балл беру арқылы жұмыс жеткізушіні іріктейді», - деді ол.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
