Алматыда төрт бозбала жол апатына ұшырап, біреуі көз жұмды

11.03.2022 08:38

581

Құтқарушылар жарақат алған балаларды быт-шыт болып бүлінген көліктен шығарып алды.

ERNUR.KZ. Алматының Алатау ауданындағы Өжет шағын ауданында жол апаты адам өмірін қиды, деп жазады sputnik.kz.

Куәгерлердің айтуынша, Lexus RX 300 автокөлігі Т-ға ұқсас қиылыста солға да, оңға да бұрылмай, қатты жылдамдықпен тіке үйдің ауласына кіріп кетіп, контейнерге соғылған. Көлік тұмсығын жерге тіреп, тігінен тұрып қалған.

Көлікте 15-16 жас аралығындағы төрт бозбала болған. Жолаушылардың бірі оқиға орнында көз жұмды.

Қалғандары көптеген жарақатпен ауруханаға жеткізілді.