Дрондың ұзындығы - 120 сантиметр.
Сурет: mgorod.kz
ERNUR.KZ. Батыс Қазақстан облысында табылған ұшқышсыз ұшу апаратына ұқсайтын затқа қатысты полиция тексеру шараларын қолға алды, деп жазады zakon.kz.
Белгісіз ұшу аппараты 18 ақпанда кешке БҚО, Бөкей ордасы ауданы, Ұялы ауылының аумағынан жергілікті тұрғындар тауып алды. Дрондың ұзындығы - 120 сантиметр.
БҚО полициясы аталған ақпаратқа қатысты түсініктеме берді.
"БҚО-да Бөкей ордасы ауданы, Ұялы елдімекені маңында ұшқышсыз ұшу аппаратына ұқсас затты табу фактісі бойынша полиция департаменті уәкілетті қызметтермен бірлесіп тексеру іс-шараларын қолға алды", деп хабарлады өңірлік ПД.
Бөкей ордасы ауданының аумағында Ресей Федерациясының Қорғаныс министрлігі жалдайтын "Капустин Яр" әскери полигоны орналасқанын еске сала кетелік.
![](/assets/thumbnails/43/439f126e001c1cb0b1c2f9a57b1f21df.jpg ""Жетім жігітке күйеуге тисем екен" деп армандадым"")
