Ипотекалық несие пайызы арзандап, мерзімі ұзартылады

Бүгін Парламент палаталарының бірлескен отырысында сөз сөйлеген Нұрсұлтан Назарбаев халыққа баспананың қол жетімділігін әлі де жеңілдету мақсатында бірнеше ұсыныс айтты, - деп хабарлайды ERNUR.KZ.

Бүгінгі банктердің несие саясатын сынға алған Елбасы 7-20-25 бағдарламасын ұсынды.

Президент бұл бағдарлама бойынша берілетін ипотекалық несие 7 пайыздан, алғашқы жарна мөлшері 20 пайыздан аспауы, ал несие мерзімі 25 жылдан кем болмауы тиіс екенін айтты.

Бұл бағытта тиісті шараларды атқару ҚР Ұлттық Банкіне тапсырылды.