Қауіпті ет өнімдері: ҰҚК мен полиция Астанадағы астыртын цехтарды әшкереледі

0
168

​Кәсіпкер астыртын мал сою цехы үшін нысанды жалға алғаны белгілі болды.


Қауіпті ет өнімдері: ҰҚК мен полиция Астанадағы астыртын цехтарды әшкереледі

фото: видеодан

ERNUR.KZ. Астанада ет өнімдерін заңсыз сатумен айналысқан екі кәсіпорын анықталды. Астанада етті өңдеу рұқсат құжаттарынсыз және антисанитарлық жағдайларда жүргізілген, деп жазады tengrinews.kz.

Кәсіпкер астыртын мал сою цехы үшін нысанды жалға алғаны белгілі болды.

"Полиция қызметкерлері мен ДКНБ қызметкерлері рұқсат құжаттарысыз және антисанитарлық жағдайда ет өңдеумен айналысқан заңсыз әрекетті тоқтатты. Кәсіпкер астыртын мал сою цехы үшін нысанды жалға алғаны анықталды. Онда алты адам заңсыз жұмыс істеп, күнделікті ақшалай төлем алып отырған. Қолданылатын шикізат ретінде құжатсыз сатып алынған күмәнді ет пайдаланылған. Дайын өнім Қазақстан өңірлеріне таратылған", - деп хабарлады Астана ПД.

Құқық қорғаушылар Астананың бір ауданында жергілікті тұрғынның өз үйінің ауласында етті заңсыз сатумен айналысқан екінші оқиғаны да атап өтті. Өнімнің ешқандай құжаты, ветеринарлық мөрі болмаған, деп қосты ПД.

"Қазіргі уақытта тәркіленген еттің сапасын тексеру үшін сараптама тағайындалды. Анықталған заңбұзушылықтар бойынша қылмыстық іс қозғалды. Құқықбұзушыларға қатысты әкімшілік хаттамалар толтырылған. Астана Полиция департаменті ет өнімдері ветеринарлық бақылаусыз адам денсаулығына қауіпті болуы мүмкін екенін ескертеді", - деп қосты полиция.