Ережелер 2026 жылғы наурызда бекітілуі жоспарланған.
Фото: freepik
ERNUR.KZ. Қаржы нарығын реттеу және дамыту агенттігі "Микроқаржылық және коллекторлық қызмет саласындағы өзін-өзі реттейтін ұйым қызметін жүзеге асыру ережелерін бекіту туралы" жобасын әзірледі, деп жазады zakon.kz.
Жоба микроқаржылық және коллекторлық қызмет саласындағы өзін-өзі реттейтін ұйымдардың бюджетін құру талаптарын, ұйым жетекшілері туралы ақпаратты, сондай-ақ тіркелімнен шығарылған ұйымның қызметі барысында жинаған құжаттары мен мәліметтерін басқа өзін-өзі реттейтін ұйымға немесе қаржы нарығын реттеу, бақылау және қадағалау органы өкілетті органы арқылы тапсыру тәртібін анықтайды.
Агенттік түсіндіргендей, жоба мына мақсаттарды көздейді:
- Өзін-өзі реттейтін ұйымдардың бюджетін құру талаптарын бекіту және олардың өз функцияларын орындау қабілетін қамтамасыз ету;
- Ұйым жетекшілері туралы ақпаратты өкілетті органға ұсынуға біркелкі талаптар енгізу;
- Тіркелімнен шығарылған жағдайда микроқаржылық және коллекторлық қызмет саласында өзін-өзі реттеу функцияларының үздіксіз орындалуын қамтамасыз ету.
Ережелер 2026 жылғы наурызда бекітілуі жоспарланған.
Құжат "Ашық нормативтік-құқықтық актілер" сайтында 2026 жылғы 9 ақпанға дейін қоғамдық талқылауға жарияланған.
![](/assets/thumbnails/f1/f127bb6b31d4fff0d9e1539561ad0f9c.jpg ""Есі-дерті - киім, косметика, әлеуметтік желіде әдемі көріну": қыз өсіріп отырған ана тәрбиедегі қиындығын айтып берді")
