Сот үкімі заңды күшіне енген жоқ.
ERNUR.KZ. Атырау облысының тұрғыны көршісінің ауласынан 3 қойды ұрлап кеткен. Сот үкімімен күдікті 5 жылға бас бостандығынан айырылды, деп жазады inform.kz.
Жылыой аудандық сотында мал ұрлаған күдіктіге қатысты қылмыстық іс қаралды. Сотталушыға ҚР Қылмыстық кодексінің 188-1-бабының 3-бөлігінің 2-тармағымен айып тағылған.
Аудандық соттың талқылауы кезінде Құлсары қаласының тұрғыны К.-ның 2023 жылғы 7 желтоқсанда көршісінің қоршалған мал қорасының ауласына кіріп, 3 қойды ұрлағаны анықталды. Ол ұрланған малды сатып, түскен ақшаны спирттік ішімдік сатып алуға жұмсаған. Сот жаза тағайындау барысында К.-ның бұрын Жылыой аудандық сотының 2020 жылғы 2 наурыздағы үкімімен ҚР Қылмыстық кодексінің 106-бабының 1-бөлігімен (Денсаулыққа қасақана ауыр зиян келтіру) ауыр қылмыс жасағаны үшін сотталғанын ескерді. Қылмыс жасалған кезде келтірілген материалдық залал өтелмеген.
Жылыой аудандық соты К.-ні кінәлі деп танып, 5 жыл мерзімге бас бостандығынан айыру жазасын тағайындады.
Сот үкімі заңды күшіне енген жоқ.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
