Қостанай облысында жалған 100 долларлық купюраларды сатумен айналысқан топ ұсталды

0
479

Тәркіленген жалған қаражаттың жалпы сомасы 28 100 АҚШ долларынан асты.


Қостанай облысында жалған 100 долларлық купюраларды сатумен айналысқан топ ұсталды

ERNUR.KZ. ҚР Қаржылық мониторинг агенттігінің Қостанай облысы бойынша департаментінің қызметкерлері жедел-іздестіру іс-шаралары барысында жалған 100 долларлық купюраларды сатумен айналысқан бір топ тұлғаларды анықтады. Облыс аумағында жалған валютаны кезекті рет сатуға әрекеттенген қылмыскерлер Рудный қаласында ұсталды, деп жазады ҚазАқпарат.

Ұстау кезінде оларда жалған шетел валютасы бар екені анықталды.

Қылмысқа қатысушылардың бірінің тұрғылықты жерін тінту барысында ірі көлемдегі жалған ақша табылды.

Тәркіленген жалған қаражаттың жалпы сомасы 28 100 АҚШ долларынан асты.

«Заң бұзушылар ұсталды, тергеу мүддесіне қатысты басқа ақпарат жарияланбайды»,-делінген хабарламада.