Пияз бағасы 72% қымбаттады

02.08.2022 16:28

597

Маусым айымен салыстырғанда пияз бір айда 9,8%-ға, ал өткен жылдың желтоқсан айынан бастап екі есеге қымбаттап, 106,2%-ға қымбаттады.

ERNUR.KZ. Ұлттық статистика бюросының мәліметінше, шілдеде жылдық инфляция бойынша азық-түлік нарығында пияз бағасының айтарлықтай өсуі байқалды - 71,7%, деп жазады Zakon.kz.

Өңірлерге қарасақ, бағаның ең көп көтерілуі Алматы облысында тіркелді, онда пияз бір айда 21,2%-ға қымбаттады, одан кейін Жетісу облысы мен Батыс Қазақстан облыстары сәйкесінше 20,9%-ға және 19,1%-ға қымбаттады.

Статистика мамандарының айтуынша, өткен жылдың шілде айында пияздың орташа бөлшек сауда бағасы 103 теңге болса, биылғы шілдеде оның келісі орта есеппен 192 теңгеден саудаланған.