Сауна өртке оранды

Орал қаласындағы «Мирлан» орталық базары маңында орналасқан сауна отқа оранды, деп хабарлайды ҚазАқпарат.

БҚО Төтенше жағдайлар департаменті мәлім еткендей, бүгін сағат 11.23-те Ж.Молдағалиев көшесі 29-мекен жайындағы «Мирлан» орталық базары маңында орналасқан бір қабатты «Нирвана» саунасының өртенгені жөнінде хабар түскен.

Ғимараттың төбесі, ішкі ара қабырғалары жанған. Өрт 35 шаршы метр аумақты шарпыды. «Тілсіз жауды ауыздықтауға жеке құрамның 22 адамы мен 4 техника жұмылдырылды. Жалын 13.05-те сөндірілді. Зардап шеккендер жоқ», - дейді ТЖД ақпаратында.

Қазіргі кезде өрттің шығу себептері, келтірілген шығын мен кінәлілер анықталу үстінде.