«SHANYRAQ» орталығында көпбалалы аналар тегін курстарға қатысуда

20.08.2021 17:07

1 382

Орталықты балалардың дамуына да жағдай жасалынған.

Шымкент қалалық жұмыспен қамту және әлеуметтік қорғау басқармасына қарасты "SHANYRAQ" отбасы институтын қолдау орталығында көпбалалы аналарға қолдау ретінде түрлі бағыттағы курстар мен балаларға арналған тегін үйірмелер қызмет көрсетеді, деп хабарлайды ERNUR.KZ.

Аналар кондитерлік өнім әзірлеу мен тігіншілікке үйренсе, балаларға бос уақыттарын пайдалы өткізу мақсатында шахмат, тоғызқұмалақ,футбол, каратэ, ағылшын тілі, математика курстары ұйымдастырылған.

Игі іс жуырда орталық пен «Ізгілікте жарысайық» қоғамдық қоры арасындағы өзара меморандум аясында жүзеге асырылуда.

"SHANYRAQ" орталығының мақсаты- аз қамтамасыз етілген отбасыларға және көп балалы аналарға кәсіпкерлік жөнінде бағыт-бағдар беру, қысқа мерзімді курстарға қатыстырып, жұмысқа бейімдеу, қаржылық сауаттылығын арттыру. Орталық мамандары сонымен қатар, психологиялық, әлеуметтік және құқықтық кеңес береді.

Осыдан бір жыл бұрын ашылған орталықта күні бүгінге дейін 9 жарым мыңнан астам аз қамтамасыз етілген және көпбалалы аналардың мұқтаждықтары тіркеуге алынып, түрлі бағытта қызмет көрсетіліп, ақпараттық қолдау, психологиялық, құқықтық кеңес беру, атаулы әлеуметтік көмекке құжат тапсыру, тұрғын үй кезегіне тұру, Еqov.kz порталынан қызметтерін алу мәселелері бойынша көмектер ұсынылған. Көп балалы аналардың қатысуымен 149- кездесу, оның ішінде 13 бизнес-тренинг, 24- психологиялық – тренингтер өткізілді.

Жалпы, Шымкент қаласында 49 405 көпбалалы отбасы бар. Оның ішінде атаулы әлеуметтік көмек алатын отбасылар саны – 15 361.