ШЫМКЕНТ: Мемлекеттік рәміздерді қолдану тәртібі түсіндірілді

07.11.2024 09:59

Республикалық инспекция топ құрамында ҚР Мәдениет және ақпарат, Ішкі істер, Сауда және интеграция министрліктерінің жауапты мамандары бар.

Шымкент қаласындағы “Достық” үйінде өңірдегі мемлекеттік рәміздердің заң талаптарына сәйкес қолданылуы мен орналасуы және оларлың насихатталуы бойынша республикалық инспекциялық топтың семинар-кеңесі өтті.

Іс-шара Мәдениет және ақпарат министрлігі, ҚР Президенті жанындағы мемлекеттік рәміздер мен ведомстволық және оларға теңестірілген өзге де наградалар геральдикасы мәселелері жөніндегі республикалық комиссияның бекітілген жұмыс жоспарына сәйкес ұйымдастырылды.

Республикалық инспекция топ құрамында ҚР Мәдениет және ақпарат, Ішкі істер, Сауда және интеграция министрліктерінің жауапты мамандары бар. Бүгінде республикалық инспекциялық топ өңірлерге шығып, түсіндірме жұмыстарын жүргізуде. Бүгінгі семинар-кеңесте Мәдениет және ақпарат министрлігінің Геральдикалық жұмыс басқармасының басшысы Гүлдана Аргенова мемлекеттік рәміздерді заң талаптарына сәйкес қолдану тәртібін жан-жақты түсіндіріп берді. Геральдика ғылымының тарихы мен ерекшелігі, Қазақстан Республикасының мемлекеттік рәміздері, нормативтік құқықтық актілердің тізбесі бойынша толығырақ мағлұмат берді.

Қалалық ішкі саясат және жастар істері жөніндегі басқармасы ұйымдастырған жиынға мемлекеттік органдардың басшылары, мемлекеттік қызметкерлер, білім, мәдениет және спорт саласының мамандары қатысты. Жиынға қатысушылар өздерінің көкейдегі толғандырған сауалдарын қойып, жауаптарын алды.

Ақпарат үшін айта кетсек, Қазақстан Республикасының мемлекеттік рәміздерін дайындау және пайдалану тәртібі Қазақстан Конституциясында, осы Конституциялық заңда және Қазақстанның өзге де нормативтік құқықтық актілерінде айқындалады.

Қазақстан Мемлекеттігінің рәмізі — Мемлекет тіліндегі Мемлекет Гимнін орындау тәртібін Қазақстан Үкіметі айқындайды. Қарулы Күштердің құрамаларында, әскери бөлімдерінде, бөлімшелерінде, мекемелерінде және басқа да әскерлер мен әскери құралымдарда Мемлекет Елтаңбаны және оның бейнесін пайдалану (орнату, орналастыру) тәртібін жалпы әскери жарғыларда айқындайды (2007 жылғы 4 маусымдағы №258-III Қазақстан Республикасıның Конституциялық Заңы).