Аталған жайт Сотқа дейінгі тергеп-тексерудің бірыңғай тізіліміне ҚР ҚК 105-бабының 1-бөлігі “Өзiн-өзi өлтiруге дейiн жеткiзу” бойынша тіркелді.
Бұл туралы Шымкент қаласы полиция департаментінің баспасөз қызметі мәлімдеді
Ведомство мәліметінше, 3 шілде күні сағат 21:40 шамасында қаладағы қонақ үйлердің бірінің 3 қабатынан бойжеткеннің секірейін деп жатқаны туралы хабарлама келіп түскен. Аталған шақыртуға Патрульдік полиция полкінің қызметкерлері оқиға орнына жылдам жетіп, 23 жастағы қыздың өміріне араша болды.
"Полиция аға лейтенанттары Қанат Рысбаев пен Оралбек Ташимбетов өз өмірлерін қатерге тігіп, қызды суицид жасаудан құтқарып қалды. Сұрастыра келе қыздың сөз байласқан жігітімен жанжалдасып қалғаны белгілі болды", - делінген баспасөз хабарламасында.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
