Шымкент көшелеріне гүл егу басталды

Еліміздің өзге облыстары бұрқасын қарды күтіп жүрсе, Оңтүстікте гүл отырғызу жұмыстары қарқынды басталып кетті, - деп хабарлайды жергілікті tvk арнасы.

Үшінші мегаполисті көріктендіруге ондаған жұмысшы білек сыбана кіріскен. Желтоқсан көшесіне роза гүлі отырғызылса, Арғынбеков Өтегенов көшелерінде тазалық жұмыстары мен ағаш бұтау сынды іс-шаралар таңертеңнен бастау алған.

Қазір ЛТД Тұрмыс ЖШС-нің барлық техникалары қаланы көгалдандыруға жұмылдырылған. Жұмысшы топ өз істерін 1 айдың ішінде бітіру тиіс. Қазіргі ауа-райы қаланы көгалдандыруға ыңғайлы болғандықтан, мамандар жұмыстарын дәл уақытында жасап жатырмыз дейді.